Belagavi news:
ಇಂದೋರ್ (ಮಧ್ಯ ಪ್ರದೇಶ್) ಹಣ್ಣಿನ ಮಹಾರಾಜ ಎಂದೇ ಖ್ಯಾತಿಯಾಗಿರುವ ಮಾವಿನ ಹಲವಾರು ತಳಿಗಳನ್ನು ಭಾರತದಲ್ಲಿ ಬೆಳೆಯಲಾಗುತ್ತದೆ. ಇವುಗಳಲ್ಲಿ ಅನೇಕ ತಳಿಗಳು ಜನಪ್ರಿಯತೆ ಪಡೆದಿದ್ದರು, ಎಲ್ಲರ ಗಮನ ಸೆಳೆಯುತ್ತಿರುವ ವಿಶೇಷ ಮಾವು ಎಂದರೆ ನೂರ್ ಜಹಾನ್ ಮಾವು🥭.
ಈ ಮಾವಿನ ಹಣ್ಣು ತನ್ನ ಅಪರೂಪದ ಗಾತ್ರದಿಂದಲೇ ವಿಶೇಷವಾಗಿದ್ದು, ಒಂದೇ ಹೆಣ್ಣು ಸುಮಾರು 3 ಕೆಜಿ ತೂಕ ವರೆಗೆ ತೂಗುತ್ತದೆ. ಇದೇ ಕಾರಣದಿಂದ ಇದನ್ನು ಸಾಮಾನ್ಯವಾಗಿ ಕೆಜಿ ಲೆಕ್ಕದಲ್ಲಿ ಅಲ್ಲ, ಪೀಸ್ ಲೆಕ್ಕದಲ್ಲಿ ಮಾರಾಟ ಮಾಡಲಾಗುತ್ತಿದೆ. ಮಾರುಕಟ್ಟೆಯಲ್ಲಿ ಇದರ ಒಂದೇ ಹಣ್ಣಿನ ಬೆಲೆ ಸುಮಾರು ₹3,000 ವರೆಗೆ ಇರಲಿದೆ ಎಂದು ತಿಳಿದುಬಂದಿದೆ.
ದೊಡ್ಡ ಗಾತ್ರ, ವಿಶಿಷ್ಟ ರುಚಿ ಹಾಗೂ ಅಪರೂಪದ ಗುಣಲಕ್ಷಣಗಳ ಕಾರಣ ನೂರ್ ಜಹಾನ್ ಮಾವು ಹಾಗೂ ಕೃಷಿ ಆಸಕ್ತರ ಗಮನ ಸೆಳೆಯುತ್ತಿದೆ.
ಇಡೀ ಕುಟುಂಬಕ್ಕೆ ಒಂದು ಹಣ್ಣು ಸಾಕು: ಇಡೀ ಕುಟುಂಬಕ್ಕೆ ಒಂದೇ ಹಣ್ಣು ಸಾಕಾಗುವಷ್ಟು ದೊಡ್ಡ ಗಾತ್ರ ಹೊಂದಿರುವ ನೂರ್ ಜಹಾನ್ ಮಧ್ಯಪ್ರದೇಶದ ಅಲಿರಾಜ್ ಪುರ್ ಜಿಲ್ಲೆಯ ಕತ್ತಿವಾಡ ಪ್ರದೇಶದಲ್ಲಿ ಹೆಚ್ಚಾಗಿ ಬೆಳೆಯಲಾಗುತ್ತಿದೆ. ಬುಡಕಟ್ಟು ಪ್ರಾಬಲ್ಯದ ಈ ಪ್ರದೇಶದಲ್ಲಿ ಬೆಳೆಯುವ ಈ ವಿಶೇಷ ಮಾವು ತನ್ನ ವಿಶಿಷ್ಟ ರುಚಿ, ಸುವಾಸನೆ ಹಾಗೂ ಭಾರಿ ಗಾತ್ರದಿಂದ ದೇಶಾದ್ಯಂತ ಖ್ಯಾತಿಗಳಿಸಿದೆ.
ಜಗತ್ತಿನ ಅತಿ ದೊಡ್ಡ ಮಾವಿನ ತಳಿಗಳಲ್ಲೊಂದು ಎಂದು ಪರಿಗಣಿಸಲ್ಪಡುವ ನೂರ್ ಜಹಾನ್ ಮಾವಿನ ಒಂದು ಹಣ್ಣು ಸಾಮಾನ್ಯವಾಗಿ 2 ರಿಂದ 5 ಕೆಜಿ ತೂಕವರಿಗೆ ಇರುತ್ತದೆ. ಒಂದು ಹಣ್ಣು ಇದ್ದರೆ ಇಡೀ ಕುಟುಂಬವೇ ತಿನ್ನಬಹುದಾದಷ್ಟು ದೊಡ್ಡದಾಗಿರುದು ಇದರ ವಿಶೇಷತೆ. ಇದರ ಆಕರ್ಷಕ ಬಣ್ಣ ಸಿಹಿ ರುಚಿ ಮತ್ತು ವಿಶಿಷ್ಟ ವಾಸನೆ ಅನುಪ್ರಿಯರನ್ನು ಸೆಳೆಯುತ್ತದೆ.
ಅಪರೂಪದ ಹಣ್ಣು ಈ ನೂರ್ ಜಹಾನ್: ಅಪರೂಪದ ತಳಿಯಾಗಿರುವ ನೂರ್ ಜಹಾನ್ ಮಾವಿಗೆ ದೇಶದ ವಿವಿಧ ನಗರಗಳಲ್ಲಷ್ಟೇ ಅಲ್ಲ, ವಿದೇಶಿಗಳಲ್ಲಿಯೂ ಬಾರಿ ಬೇಡಿಕೆ ಇದೆ. ಗಾತ್ರದ ಆಧಾರದ ಮೇಲೆ ಒಂದೇ ಹಣ್ಣಿನ ಬೆಲೆ ₹3,000 ವರೆಗೆ ತಲುಪುತ್ತದೆ. ಕಡಿಮೆ ಪ್ರಮಾಣದಲ್ಲಿ ಹಣ್ಣು ಕೊಡುವ ಈ ಮರಗಳಿಂದ ಉತ್ಪಾದನೆ ಕಡಿಮೆ ಇದ್ದರೂ ರೈತರಿಗೆ ಉತ್ತಮ ಲಾಭ ದೊರೆಯುತ್ತದೆ.
ಕತ್ತಿವಾಡ ಪ್ರದೇಶದ ಹವಾಮಾನ ಮತ್ತು ಮಣ್ಣಿನ ಗುಣಮಟ್ಟ ನೂರ್ ಜಹಾನ್ ತಳಿಯ ಬೆಳೆಗೆ ಅತ್ಯಂತ ಅನುಕೂಲಕರವಾಗಿದ್ದು, ಇಲ್ಲಿನ ರೈತರು ಅತ್ಯುತ್ತಮ ಅನುಗುಣ ಮಟ್ಟದ ಮಾವುಗಳನ್ನು ಬೆಳೆಯುತ್ತಿದ್ದಾರೆ.
ಅಫ್ಘಾನ್ ಮೂಲದ ಹಣ್ಣು: ಹಲವು ವರ್ಷಗಳ ಹಿಂದೆ ನೂರ್ ಜಹಾನ್ ಮಾವಿನ ಹಣ್ಣು ಅಫ್ಘಾನಿಸ್ತಾನದಿಂದ ಭಾರತಕ್ಕೆ ಬಂದಿತು. ನಂತರ ಇದು ಮಧ್ಯ ಪ್ರದೇಶದ ಮಾಲ್ವಾ ಪ್ರದೇಶದ ಜಾಬುವಾ ಬುಡಕಟ್ಟು ಪ್ರದೇಶದಲ್ಲಿ ಬೆಳೆಯಲು ಆರಂಭವಾಯಿತು. ಈ ಮಾವಿನ ಇತಿಹಾಸವು ಮಾಲ್ವಾ ಮತ್ತು ಪಶ್ಚಿಮ ಭಾರತದ ಸಾಂಸ್ಕೃತಿಕ ಪರಂಪರೆಯೊಂದಿಗೆ ಆಳವಾಗಿ ಸಂಪರ್ಕ ಹೊಂದಿದೆ ಎಂದು ನಂಬಲಾಗಿದೆ. ಮೊಘಲ್ ಕಾಲದಲ್ಲಿ ದೊಡ್ಡ ಗಾತ್ರ ಹಾಗೂ ವಿಶಿಷ್ಟ ಪರಿಮಳ ಹೊಂದಿದ ಈ ಮಾವಿಗೆ ರಾಜಮನೆತನದ ತೋಟಗಳಲ್ಲಿ ವಿಶೇಷ ಮಹತ್ವ ನೀಡಲಾಗುತ್ತಿತ್ತು. ಅದರ ಪರಿಣಾಮವಾಗಿ ಇದು ಗುಜರಾತ್ ಹಾಗೂ ಜಾಬುವಾ ಅಲಿರಾಜ್ ಪುರ ಪ್ರದೇಶಗಳಿಗೂ ವ್ಯಾಪಿಸಿತು.
60 ವರ್ಷಗಳ ಹಿಂದೆ ಅಲಿರಾಜ್ ಪುರ ತಲುಪಿದ್ದ ಮಾವು: ಮಾವಿನ ತೋಟದ ರೈತ ಭರತ್ ರಾಜ್ ಸಿಂಗ್ ಜಾಧವ್ ಹೇಳುವಂತೆ, ಅವರ ತಂದೆ ರಣವೀರ್ ಸಿಂಗ್ ಜಾಧವ್, ಸುಮಾರು 55 ರಿಂದ 60 ವರ್ಷಗಳ ಹಿಂದೆ ಗುಜರಾತ್ ನ ಬನ್ಮಾ ಪ್ರದೇಶದಿಂದ ನೂರ್ ಜಹಾನ್ ಮಾವಿನ ಸಸಿಯನ್ನು ತಂದು ಸಂರಕ್ಷಿಸಿದ್ದರು. ಈ ಸಸಿ ನಂತರ ಇಡೀ ಪ್ರದೇಶದ ಗುರುತಾಯಿತು. ಅವರ ತಂದೆ ಕಸಿ ತಂತ್ರವನ್ನು ಬಳಸಿ ವಿಶೇಷ ಸಸಿಯನ್ನು ಸಿದ್ದಪಡಿಸಿದ್ದು. ಪ್ರಸ್ತುತ ಈ ಮರದ ವಯಸ್ಸು ಸುಮಾರು 20ರಿಂದ 25 ವರ್ಷಗಳು ಎನ್ನುತ್ತಾರೆ ಅವರು.
Also Read:
SSLC- 2 ಪರೀಕ್ಷೆಯಲ್ಲಿ ನಿಯಮ ವಿವಾದ: ಹಿಜಾಬ್ ಧರಿಸಿ ಬಂದವರಿಗೆ ಅವಕಾಶ ಇಲ್ಲ!
