Belagavi News:

ಯಶ್ (Yash) ಅಭಿನಯದ ಬಹುನಿರೀಕ್ಷಿತ ' ಟಾಕ್ಸಿಕ್ ' ಸಿನಿಮಾದ ಮತ್ತೊಂದು ಹಾಡು ಬಿಡುಗಡೆಯಾಗಿದೆ. ಜುಲೈ 21ರಂದು ಬಿಡುಗಡೆಯಾದ 'ಮನಮೋಹಕ' ಹಾಡು ಬಿಡುಗಡೆಯಾದ ಕೆಲವೇ ಹೊತ್ತಿನಲ್ಲಿ ಅಭಿಮಾನಿಗಳ ಗಮನ ಸೆಳೆದಿದೆ.

ಈ ಹಿಂದೆ ' ಟಾಕ್ಸಿಕ್ ' ಚಿತ್ರದ ' ತಬಾಹಿ ' ಹಾಡು ಬಿಡುಗಡೆಯಾದ ಭಾರಿ ಸದ್ದು ಮಾಡಿತ್ತು. ಯಶ್ ಮತ್ತು ಕಿಯಾರಾ ಅಡ್ವಾಣಿ ಅವರ ಕೆಮಿಸ್ಟ್ರಿಗೆ ಪ್ರೇಕ್ಷಕರು ಮೆಚ್ಚುಗೆ ವ್ಯಕ್ತಪಡಿಸಿದರು. ಇದೀಗ ಬಿಡುಗಡೆಯಾಗಿರುವ ' ಮನಮೋಹಕ' ಹಾಡಿನಲ್ಲಿ ಯಶ್ ಅವರು ತಾರಾ ಸುತಾರಿಯಾ ಅವರೊಂದಿಗೆ ರೋಮ್ಯಾಂಟಿಕ್ ದೃಶ್ಯಗಳಲ್ಲಿ ಕಾಣಿಸಿಕೊಂಡಿದ್ದಾರೆ.

ಆದರೆ, ಈ ಹಾಡಿನ ಕೆಲವು ದೃಶ್ಯಗಳನ್ನು ನೋಡಿದ ಬಳಿಕ ಹಲವರು ಯಶ್ ಅವರ ಹಿಂದಿನ ' ಕಿರಾತಕ' ಸಿನಿಮಾವನ್ನು ನೆನಪಿಸಿಕೊಂಡಿದ್ದಾರೆ. ಹಾಡಿನ ಲುಕ್, ಯಶ್ ಅವರ ಸ್ಟೈಲ್ ಮತ್ತು ಕೆಲವೂ ದೃಶ್ಯಗಳ ಶೈಲಿ 'ಕಿರಾತಕ' ಚಿತ್ರದ ನೆನಪು ಮೂಡಿಸಿದೆ ಎಂದು ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆ ನಡೆಸುತ್ತಿದ್ದಾರೆ.

' ಟಾಕ್ಸಿಕ್ ' ಚಿತ್ರದ 'ಮನಮೋಹಕ' ಹಾಡಿಗೂ 'ಕಿರಾತಕ' ಸಿನಿಮಾಕ್ಕೂ ಏನು ಸಂಬಂಧ ಎಂಬ ಕುತೂಹಲ ಅಭಿಮಾನಿಗಳಲ್ಲಿ ಮೂಡಿದ್ದು, ಹಳೆಯ ಚಿತ್ರದ ಕನೆಕ್ಷನ್ ಬಗ್ಗೆ ಹಲವು ಅಭಿಪ್ರಾಯಗಳು ವ್ಯಕ್ತವಾಗುತ್ತಿವೆ.

' ಟಾಕ್ಸಿಕ್' ಚಿತ್ರವು ಯಶ್ ಅವರ ಮುಂದಿನ ದೊಡ್ಡ ಪ್ರಾಜೆಕ್ಟ್ ಆಗಿದ್ದು, ಚಿತ್ರದ ಹಾಡುಗಳು ಬಿಡುಗಡೆಯಾಗುತ್ತಿದ್ದಂತೆ ಅಭಿಮಾನಿಗಳಲ್ಲಿ ನಿರೀಕ್ಷೆ ಮತ್ತಷ್ಟು ಹೆಚ್ಚಾಗಿದೆ.

' ಟಾಕ್ಸಿಕ್ ' ಸಿನಿಮಾದ ' ಮನಮೋಹಕ' ಹಾಡಿಗೆ ಅಭಿಮಾನಿಗಳಿಂದ ಮಿಶ್ರ ಪ್ರತಿಕ್ರಿಯೆಗಳು ವ್ಯಕ್ತವಾಗುತ್ತಿವೆ. ಹಾಡನ್ನು ವೀಕ್ಷಿಸಿದ ಬಹುತೇಕರು ಯಶ್ ಅವರ ಸ್ಟೈಲಿಶ್ ಲುಕ್, ಮೇಕಿಂಗ್ ಅದ್ದೂರಿ ಚಿತ್ರೀಕರಣವನ್ನು ಮೆಚ್ಚಿಕೊಂಡಿದ್ದಾರೆ. ಈ ಹಿಂದಿನ ' ತಬಾಹಿ ' ಹಾಡಿನಂತೆ ' ಮನಮೋಹಕ' ಹಾಡನ್ನು ಭರ್ಜರಿ ಮಟ್ಟದಲ್ಲಿ ನಿರ್ಮಿಸಲಾಗಿದೆ ಎಂದು ಅಭಿಮಾನಿಗಳು ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.

' ಮನಮೋಹಕ' ಹಾಡಿನಲ್ಲಿ ಯಶ್ ಮತ್ತು ತಾರಾ ಸುತಾರಿಯಾ ಅವರ ರೋಮ್ಯಾಂಟಿಕ್ ಕೆಮಿಸ್ಟ್ರಿ ಗಮನ ಸೆಳೆದಿದೆ. ಕೆಲವರು ಈ ಹಾಡನ್ನು ಮೆಚ್ಚಿಕೊಂಡರೆ, ಇನ್ನು ಕೆಲವರು ' ತಬಾಹಿ ' ಹಾಡಿನಷ್ಟು ಪ್ರಭಾವ ಬೀರಿಲ್ಲ ಎಂದು ತಮಾಷೆಯ ಕಾಮೆಂಟ್ ಗಳನ್ನು ಮಾಡಿದ್ದಾರೆ.

ಯಶ್ ಅವರ ಅಭಿಮಾನಿಗಳು ಸಿನಿಮಾ ಬಿಡುಗಡೆಯನ್ನು ಕಾತಾರದಿಂದ ಕಾಯುತ್ತಿರುವುದಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ಕರ್ನಾಟಕದ ಹೊರತಾಗಿಯೂ ದೇಶದ ವಿವಿಧ ಭಾಗಗಳಲ್ಲಿರುವ ಅಭಿಮಾನಿಗಳು ಹಾಡಿಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.

ಇದರ ನಡುವೆ, ' ಮನಮೋಹಕ' ಹಾಡಿನ ಒಂದು ದೃಶ್ಯ ಹಲವು ಅಭಿಮಾನಿಗಳಿಗೆ ಯಶ್ ಅವರ ಹಳೆಯ 'ಕಿರಾತಕ' ಸಿನಿಮಾವನ್ನು ನೆನಪಿಸಿದೆ. ಹಾಡಿನ ಕೊನೆಯಲ್ಲಿ ಯಶ್ ಕಾರಿನ ಮೇಲೆ ಕುಳಿತಿರುವ ದೃಶ್ಯದಲ್ಲಿ, ಅವರ ತಂಡ ಸದಸ್ಯರು ಸುತ್ತಲೂ ನಿಂತಿರುತ್ತಾರೆ. ಆ ವೇಳೆ ತಾರಾ ಸುತಾರಿಯಾ ಆಗಮಿಸಿದಾಗ ಯಶ್ ಬಂದೂಕಿನಿಂದ ನೆಲಕ್ಕೆ ಗುಂಡು ಹಾರಿಸಿ ಸುತ್ತಲಿದ್ದವರನ್ನು ದೂರು ಕಳುಹಿಸಿ, ಬಳಿಕ ನಾಯಕಿಯನ್ನು ಅಪ್ಪಿಕೊಳ್ಳುವ ದೃಶ್ಯ ಕಾಣಿಸುತ್ತದೆ.

ಈ ದೃಶ್ಯವನ್ನು ನೋಡಿದ ಅಭಿಮಾನಿಗಳು 'ಕಿರಾತಕ ' ಚಿತ್ರದ ಒಂದು ಸನ್ನಿವೇಶದೊಂದಿಗೆ ಹೋಲಿಕೆ ಮಾಡಿದ್ದಾರೆ. ' ಕಿರಾತಕ' ಸಿನಿಮಾದಲ್ಲಿಯೂ ಯಶ್ ತಮ್ಮ ನಾಯಕಿಯೊಂದಿಗೆ ಮಾತನಾಡಲು ಗೆಳೆಯರನ್ನು ದೂರ ಕಳುಹಿಸುವ ದೃಶ್ಯವಿತ್ತು. ನಾಯಕಿಯ ಊರಿಗೆ ಡ್ಯಾನ್ಸ್ ಕಾರ್ಯಕ್ರಮಕ್ಕಾಗಿ ತೆರಳುವ ಸಂದರ್ಭದಲ್ಲಿ ಬರುವ ಈ ದೃಶ್ಯವನ್ನು ಈಗ ' ಮನಮೋಹಕ' ಹಾಡಿನ ಸನ್ನಿವೇಶದೊಂದಿಗೆ ಅಭಿಮಾನಿಗಳು ನೆನಪಿಸಿಕೊಂಡಿದ್ದಾರೆ.

ಹೀಗಾಗಿ ' ಟಾಕ್ಸಿಕ್ ' ಚಿತ್ರದ ಹೊಸ ಹಾಡು ಕೇವಲ ಸಂಗೀತ ಮತ್ತು ಮೇಕಿಂಗ್ ನಿಂದಷ್ಟೇ ಅಲ್ಲ, ಯಶ್ ಅವರ ಹಳೆಯ ಸಿನಿಮಾಗಳು ನೆನಪುಗಳನ್ನು ಮತ್ತೆ ಜೀವಂತಗೊಳಿಸುವ ಮೂಲಕವೂ ಚರ್ಚೆಗೆ ಕಾರಣವಾಗಿದೆ.