belagavi news :

ಪಾಕಿಸ್ತಾನದ ಸೇನಾ ಮುಖ್ಯಸ್ಥ ಜನರಲ್ ಅಸಿಮ್ ಮುನೀರ್ ವಿರುದ್ಧ ಹೊಸ ವಿವಾದಾತ್ಮಕ ಆರೋಪಗಳು ಕೇಳಿ ಬಂದಿವೆ. ಟೈಮ್ಸ್ ಆಫ್ ಇಸ್ರೇಲ್ ಪ್ರಕಟಿಸಿದ ವರದಿಯ ಪ್ರಕಾರ, ಇರಾನ್ ಮತ್ತು ಸೌದಿ ಅರೇಬಿಯಾ ನಡುವಿನ ರಾಜತಾಂತ್ರಿಕ ಮಧ್ಯಸ್ಥಿಕೆಯಲ್ಲಿ ಪ್ರಾದೇಶಿಕ ಶಾಂತಿಯ ಉದ್ದೇಶಕ್ಕಿಂತ ಖಾಸಗಿ ತೈಲ ವ್ಯವಹಾರದ ಹಿತಾಸಕ್ತಿಯೇ ಪ್ರಮುಖವಾಗಿತ್ತು ಎಂದು ಆರೋಪಿಸಲಾಗಿದೆ.

ವರದಿಯಲ್ಲಿ, ಅಸಿಮ್ ಮುನೀರ್ ಅವರು ಇರಾನ್ನ ಹಿರಿಯ ಅಧಿಕಾರಿಯೊಂದಿಗೆ ಖಾಸಗಿ ತೈಲ ವ್ಯವಹಾರದಲ್ಲಿ ತೊಡಗಿದ್ದು, ಅಮೆರಿಕದ ನಿರ್ಬಂಧಗಳ ನಡುವೆಯೂ ಈ ವಹಿವಾಟು ನಡೆದಿರುವ ಸಾಧ್ಯತೆಯನ್ನು ಉಲ್ಲೇಖಿಸಲಾಗಿದೆ. ಇದೇ ಕಾರಣಕ್ಕಾಗಿ ಇರಾನ್-ಸೌದಿ ಸಂಬಂಧ ಸುಧಾರಿಸುವ ಪ್ರಯತ್ನಗಳಲ್ಲಿ ಅವರು ಸಕ್ರಿಯ ಪಾತ್ರ ವಹಿಸಿದ್ದರೆಂಬ ಆರೋಪವು ವರದಿಯಲ್ಲಿದೆ.

ಆದರೆ, ಈ ಆರೋಪಗಳಿಗೆ ಪಾಕಿಸ್ತಾನ ಸೇನೆ, ಅಸಿಮ್ ಮುನೀರ್ ಅಥವಾ ಇರಾನ್ ಸರ್ಕಾರದಿಂದ ಯಾವುದೇ ಅಧಿಕೃತ ದೃಢೀಕರಣ ಅಥವಾ ಪ್ರತಿಕ್ರಿಯೆ ಇದುವರೆಗೆ ಪ್ರಕಟವಾಗಿಲ್ಲ. ಸ್ವತಂತ್ರ ಮೂಲಗಳಿಂದಲೂ ಈ ಆರೋಪಗಳು ದೃಢಪಟ್ಟಿಲ್ಲ.

ಇರಾನ್ ಅಧಿಕಾರಿಯೊಂದಿಗೆ ಜಂಟಿ ತೈಲ ಕಂಪನಿ? ಟೈಮ್ಸ್ ಆಫ್ ಇಸ್ರೇಲ್ ವರದಿಯಲ್ಲಿ ಏನಿದೆ?

ಟೈಮ್ಸ್ ಆಫ್ ಇಸ್ರೇಲ್ ಪ್ರಕಟಿಸಿರುವ ವರದಿಯ ಪ್ರಕಾರ, ಪಾಕಿಸ್ತಾನ ಸೇನಾ ಮುಖ್ಯಸ್ಥ ಜನರಲ್ ಅಸಿಮ್ ಮುನೀರ್ ಮತ್ತು ಇರಾನ್ ನ ಇಸ್ಲಾಮಿಕ್ ರೆವೊಲ್ಯೂಷನರಿ ಗಾರ್ಡ್ ಕಾರ್ಪ್ಸ್ ನ ಹಿರಿಯ ಅಧಿಕಾರಿ ಅಹ್ಮದ ವಹಿದಿ ಒಂಟಿಯಾಗಿ ತೈಲ ಕಂಪನಿಯೊಂದರೊಂದಿಗೆ ಸಂಬಂಧ ಹೊಂದಿದ್ದಾರೆ ಎಂದು ಆರೋಪ ಮಾಡಲಾಗಿದೆ.

ವರದಿಯಲ್ಲಿನ ಹೇಳಿಕೆಯಂತೆ, ಈ ಕಂಪನಿಯು ಕಳೆದ ಒಂದು ವರ್ಷದಿಂದ ಪಾಕಿಸ್ತಾನಕ್ಕೆ ಇರಾನಿನ ತೈಲ ಪೂರೈಕೆಯಲ್ಲಿ ತೊಡಗಿದೆ ಎಂದು ಆರೋಪಿಸಲಾಗಿದೆ. ಇದೇ ವರದಿಯಲ್ಲಿ, ಇರಾನ್ ಮತ್ತು ಸೌದಿ ಅರೇಬಿಯಾ ನಡುವಿನ ಉದ್ವಿಗ್ನತೆಯನ್ನು ಕಡಿಮೆ ಮಾಡುವ ರಾಜತಾಂತ್ರಿಕ ಪ್ರಯತ್ನಗಳ ವೇಳೆ ಈ ವ್ಯವಹಾರ ಪ್ರಭಾವಬೀರಿದೆ ಎಂದು ವಾದವು ಮಾಡಲಾಗಿದೆ.

ಇದಲ್ಲದೆ, ಸೌದಿ ಅರೇಬಿಯಾದ ಮೇಲೆ ಕ್ಷಿಪಣಿ ದಾಳಿಗಳನ್ನು ತಡೆಯುವ ನಿಟ್ಟಿನಲ್ಲಿ ಇರಾನ್ ಮೇಲೆ ಆರ್ಥಿಕ ಪ್ರಭಾವ ಬಳಸಲಾಗಿದೆ ಎಂದು ಮಧ್ಯಪ್ರಾಚ್ಯದ ರಾಜತಾಂತ್ರಿಕ ಮೂಲಗಳನ್ನು ಉಲ್ಲೇಖಿಸಿ ವರದಿ ಹೇಳಿದೆ. ಆದರೆ ಈ ಆರೋಪಗಳಿಗೆ ಸ್ವತಂತ್ರ ದೃಢೀಕರಣ ಲಭ್ಯವಾಗಿಲ್ಲ ಹಾಗೂ ಪಾಕಿಸ್ತಾನ, ಇರಾನ್ ಅಥವಾ ಸಂಬಂಧಿತ ಅಧಿಕಾರಿಗಳಿಂದ ಯಾವುದೇ ಅಧಿಕೃತ ಪ್ರತಿಕ್ರಿಯೆ ಪ್ರಕಟವಾಗಿಲ್ಲ.

ಕ್ಷಿಪಣಿ ದಾಳಿ ಮತ್ತು ತೈಲ ವ್ಯವಹಾರ : ಟೈಮ್ಸ್ ಆಫ್ ಇಸ್ರೇಲ್ ವರದಿಯಲ್ಲಿ ಏನೆಲ್ಲ ಆರೋಪಗಳಿವೆ?

ಟೈಮ್ಸ್ ಆಫ್ ಇಸ್ರೇಲ್ ಪ್ರಕಟಿಸಿರುವ ವರದಿಯಲ್ಲಿ, ಇತ್ತೀಚಿನ ಇರಾನ್ ಕ್ಷಿಪಣಿ ದಾಳಿಯ ಬಳಿಕ ಪಾಕಿಸ್ತಾನ ಸೇನಾ ಮುಖ್ಯಸ್ಥ ಮುನೀರ್ ಅವರು ಇರಾನ್ ಅಧಿಕಾರಿಗೆ ಸಂದೇಶ ಕಳುಹಿಸಿ, ಸಂಘರ್ಷ ಮುಂದುವರೆದರೆ ಜಂಟಿ ತೈಲ ವ್ಯವಹಾರಕ್ಕೆ ಹೊಡೆತ ಬೀಳುವುದು ಎಂದು ಎಚ್ಚರಿಕೆ ನೀಡಿದ್ದರು ಎಂದು ಆರೋಪ ಮಾಡಲಾಗಿದೆ.

ವರದಿಯ ಪ್ರಕಾರ, ಇದರ ನಂತರ ಸೌದಿ ಅರೇಬಿಯಾದ ಮೇಲಿನ ದಾಳಿಗಳು ಸ್ಥಗಿತಗೊಂಡವು ಎಂದು ಹೇಳಲಾಗಿದೆ. ಈ ಬೆಳವಣಿಗೆಯನ್ನು ಉಲ್ಲೇಖಿಸಿ, ಪ್ರಾದೇಶಿಕ ಭದ್ರತೆಗಿಂತ ಖಾಸಗಿ ವ್ಯವಹಾರ ಹಿತಾಸಕ್ತಿಗೆ ಆದ್ಯತೆ ನೀಡಲಾಗಿತ್ತು ಎಂದು ವರದಿ ಆರೋಪಿಸಿದೆ. ಆದರೆ ಈ ಹೇಳಿಕೆಗಳಿಗೆ ಸ್ವತಂತ್ರ ದೃಡೀಕರಣ ಲಭ್ಯವಾಗಿಲ್ಲ.

ಅಮೇರಿಕ ನಿರ್ಬಂಧಗಳ ನಡುವೆಯೂ ತೈಲ ವ್ಯವಹಾರ?

ಇದೇ ವರದಿಯಲ್ಲಿ, ಅಮೇರಿಕವು ಇರಾನಿನ ತೈಲ ರಫ್ತಿನ ಮೇಲೆ ಕಠಿಣ ನಿರ್ಬಂಧಗಳನ್ನು ವಿಧಿಸಿದ್ದರೂ, ಪಾಕಿಸ್ತಾನ-ಇರಾನ್ ಗಡಿ ಮಾರ್ಗದ ಮೂಲಕ ಅಕ್ರಮ ತೈಲ ವೈವಾಟು ಮುಂದುವರೆದಿತ್ತು ಎಂದು ಆರೋಪಿಸಲಾಗಿದೆ. ಈ ವ್ಯವಹಾರದಿಂದ ಸಂಬಂಧಿತ ವ್ಯಕ್ತಿಗಳಿಗೆ ದೊಡ್ಡ ಪ್ರಮಾಣದ ಆರ್ಥಿಕ ಲಾಭವಾಗುತ್ತಿತ್ತು ಎಂದು ವಾದವು ವರದಿಯಲ್ಲಿದೆ.

ಆದಾಗ್ಯೂ, ಈ ಎಲ್ಲ ಆರೋಪಗಳಿಗೆ ಪಾಕಿಸ್ತಾನ ಸರ್ಕಾರ, ಪಾಕಿಸ್ತಾನ ಸೇನೆ, ಇರಾನ್ ಸರ್ಕಾರ ಅಥವಾ ಸಂಬಂಧಿತ ಅಧಿಕಾರಿಗಳಿಂದ ಯಾವುದೇ ಅಧಿಕೃತ ದೃಢೀಕರಣ ಅಥವಾ ಪ್ರಕ್ರಿಯೆ ಪ್ರಕಟವಾಗಿಲ್ಲ. ಸ್ವತಂತ್ರ ಮೂಲಗಳು ಈ ಹೇಳಿಕೆಗಳನ್ನು ದೃಢಪಡಿಸಿಲ್ಲ.

ಪಾಕಿಸ್ತಾನದ ರಾಜಕೀಯದ ಮೇಲೆ ಪರಿಣಾಮ? ಟೈಮ್ಸ್ ಆಫ್ ಇಸ್ರೇಲ್ ವರದಿಯ ಬಳಿಕ ಚರ್ಚೆ

ಟೈಮ್ಸ್ ಆಫ್ ಇಸ್ ಇಸ್ರೇಲ್ ಪ್ರಕಟಿಸಿರುವ ವರದಿಯ ಬಳಿಕ ಪಾಕಿಸ್ತಾನದ ರಾಜಕೀಯ ಮತ್ತು ಸೇನೆಯ ಪಾತ್ರದ ಕುರಿತು ಹೊಸ ಚರ್ಚೆಗಳು ಆರಂಭವಾಗಿವೆ. ವರದಿಯಲ್ಲಿ,ಪಾಕಿಸ್ತಾನದ ಪ್ರಧಾನಿ ಶೆಹಬಾಜ್ ಷರೀಫ್ ಅವರು ಈ ಆರೋಪಗಳ ಬಗ್ಗೆ ಸಾರ್ವಜನಿಕವಾಗಿ ಪ್ರತಿಕ್ರಿಯಿಸಿಲ್ಲ ಎಂದು ಉಲ್ಲೇಖಿಸಲಾಗಿದೆ.

ಇದೇ ವರದಿಯಲ್ಲಿ, ಸೌದಿ ಅರೇಬಿಯಾದ ಭದ್ರತಾ ಸಹಕಾರ ಮತ್ತು ಇರಾನ್ ನೊಂದಿಗೆ ನಡೆಯದಿರುವುದಾಗಿ ಹೇಳಲಾದ ಖಾಸಗಿ ತೈಲ ವ್ಯವಹಾರಗಳ ನಡುವೆ ಸಂಬಂಧವಿರಬಹುದುಂಬ ಆರೋಪ ಮಾಡಲಾಗಿದೆ. ವರದಿಯ ಪ್ರಕಾರ, ಪ್ರಾದೇಶಿಕ ಶಾಂತಿ ಪ್ರಯತ್ನಗಳಿಗಿಂತ ಖಾಸಗಿ ಆರ್ಥಿಕ ಹಿತಾಸಕ್ತಿಗಳಿಗೆ ಹೆಚ್ಚಿನ ಆದ್ಯತೆ ನೀಡಲಾಗಿತ್ತು ಎಂದು ವಾದವು ಕೇಳಿಬಂದಿದೆ.

ಆದರೆ,ಈ ಆರೋಪಗಳಿಗೆ ಪಾಕಿಸ್ತಾನ ಸರ್ಕಾರ, ಪಾಕಿಸ್ತಾನ ಸೇನೆ, ಪ್ರಧಾನಿ ಶೆಹಬಾಜ್ ಷರೀಫ್, ಜನರಲ್ ಅಸಿಮ್ ಮುನೀರ್ ಅಥವಾ ಇರಾನ್ ಸರ್ಕಾರದಿಂದ ಯಾವುದೇ ಅಧಿಕೃತ ದೃಢೀಕರಣ ಅಥವಾ ಪ್ರತಿಕ್ರಿಯೆ ಪ್ರಕಟವಾಗಿಲ್ಲ. ಅಲ್ಲದೆ,ಸ್ವತಂತ್ರ ಮತ್ತು ವಿಶ್ವಾಸಾರ್ಹ ಮೂಲಗಳಿಂದಲೂ ಈ ಆರೋಪಗಳು ದೃಢಪಟ್ಟಿಲ್ಲ.