Belagavi News:
' ಸ ರಿ ಗ ಮ ಪ ಲಿಟಲ್ ಚಾಂಪ್ಸ್' ವೇದಿಕೆಯ ಹಾಡುಗಳ ಜೊತೆಗೆ ಮನರಂಜನೆಗೂ ಹೆಸರುವಾಸಿಯಾಗಿದೆ. ಇತ್ತೀಚಿಗೆ ಪ್ರಸಾರವಾದ ವಿಶೇಷ ಸಂಚಿಕೆಯಲ್ಲಿ ಮೆಂಟರ್ ಗಳು ಎಲ್ಲರೂ ಶಾಲಾ ಮಕ್ಕಳ ವೇಷಧಾರಣೆಯಲ್ಲಿ ವೇದಿಕೆಗೆ ಆಗಮಿಸಿ, ಶಿಶುಗೀತೆಗಳನ್ನು ಹಾಡುವ ಮೂಲಕ ಬಾಲ್ಯದ ನೆನಪುಗಳನ್ನು ಮರುಕಳಿಸುವಂತಹ ಮನರಂಜನಾತ್ಮಕ ಕ್ಷಣಗಳನ್ನು ಸೃಷ್ಟಿಸಿದರು.
ಈ ವಿಶೇಷ ಎಪಿಸೋಡ್ ನಲ್ಲಿ ಸ್ಪರ್ಧಿಗಳು ಹಾಗೂ ಮೆಂಟರ್ ಗಳ ಪ್ರದರ್ಶನವೇ ಪ್ರಮುಖ ಆಕರ್ಷಣೆಯಾಗಿದ್ದರೂ ಎಲ್ಲರ ಗಮನ ಸೆಳೆದಿದ್ದು, ನಿರೂಪಕಿ ಅನುಶ್ರೀ ಅವರ ವಿಭಿನ್ನ ಹಾಜರಾತಿ , ಅವರ ಶೈಲಿ, ಎನರ್ಜಿ ಹಾಗೂ ನಿರೂಪಣಾ ರೀತಿಗೆ ಪ್ರೇಕ್ಷಕರಿಂದ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ.
ಕಾರ್ಯಕ್ರಮದ ಇಡೀ ವಾತಾವರಣವನ್ನು ಮತ್ತಷ್ಟು ಜೀವಂತಗೊಳಿಸಿದ ಅನುಶ್ರೀ, ತಮ್ಮ ಸ್ವಭಾವಿಕ ಹಾಸ್ಯಭರಿತ ನಿರೂಪಣೆಯ ಮೂಲಕ ಹಂಚಿಕೆಗೆ ವಿಶೇಷ ಕಳೆ ತಂದರು. ಅಭಿಮಾನಿಗಳು ಈ ಹಂಚಿಕೆಯನ್ನು ಸಾಮಾಜಿಕ ಜಾಲತಾಣಗಳನ್ನು ಹಂಚಿಕೊಳ್ಳುತ್ತಾ, ಅನುಶ್ರೀ ಅವರ ನಿರೂಪಣೆಗೆ ಶ್ಲಾಘನೆ ವ್ಯಕ್ತಪಡಿಸುತ್ತಿದ್ದಾರೆ.
' ಸ ರಿ ಗ ಮ ಪ ಲಿಟಲ್ ಚಾಂಪ್ಸ್ ' ವಿಶೇಷ ಸಂಚಿಕೆಯಲ್ಲಿ ಸದಾ ಸೀರೆ ಅಥವಾ ಮಾಡರ್ನ್ ಉಡುಗೆಯಲ್ಲಿ ಮಿಂಚುವ ನಿರೂಪಕಿ ಅನುಶ್ರೀ ಬಾರಿ ಸಂಪೂರ್ಣ ವಿಭಿನ್ನ ಅವತಾರದಲ್ಲಿ ಕಾಣಿಸಿಕೊಂಡರು. ಕಾರ್ಯಕ್ರಮದ ಥೀಮ್ ಗೆ ತಕ್ಕಂತೆ ಶಾಲಾ ಬಾಲಕಿಯಂತೆ ಕ್ಯೂಟ್ ಲುಕ್ ನಲ್ಲಿ ರೆಡಿಯಾಗಿ ಅವರು ವೇದಿಕೆಗೆ ಎಂಟ್ರಿ ನೀಡಿದರು.
ತಲೆಗೆ ಮುದ್ದಾದ ಹೇರ್ ಬ್ಯಾಂಡ್ ಧರಿಸಿ, ಕೈಯಲ್ಲಿ ವಾಟರ್ ಬಾಟಲ್ ಹಿಡಿದು ತರಲೆ ಶಾಲಾ ಹುಡುಗಿಯ ಶೈಲಿಯಲ್ಲಿ ಅನುಶ್ರೀ ವೇದಿಕೆಗೆ ಬಂದ ಕ್ಷಣವೇ ಪ್ರೇಕ್ಷಕರ ಗಮನ ಸಳೆದಿತು. ಅವರ ಈ ವಿಭಿನ್ನ ಹಾಗೂ ನೈಸರ್ಗಿಕ ಅಭಿನಯ ಶೈಲಿಗೆ ಸ್ಟುಡಿಯೋದಲ್ಲಿ ಭಾರಿ ಮೆಚ್ಚುಗೆ ವ್ಯಕ್ತವಾಯಿತು.
ಈ ಸಂಚಿಕೆಯಲ್ಲಿ ಮೆಂಟರ್ ಗಳು ಹಾಗೂ ಜಡ್ಜ್ ಗಳು ಕೂಡ ತಮ್ಮ ವಿಶೇಷ ಲುಕ್ ಮತ್ತು ಪ್ರದರ್ಶನದ ಮೂಲಕ ಗಮನ ಸೆಳೆದರು. ಆದರೆ ಕಾರ್ಯಕ್ರಮದ ಇಡೀ ವಾತಾವರಣವನ್ನು ಇನ್ನಷ್ಟು ಮನರಂಜನಾತ್ಮಕವಾಗಿಸಿದ್ದು, ಅನುಶ್ರೀ ಅವರ ಕ್ಯೂಟ್ ಶಾಲಾ ಹುಡುಗಿ ಅವತಾರವೇ ಎಂಬುದು ಪ್ರೇಕ್ಷಕರ ಅಭಿಪ್ರಾಯವಾಗಿದೆ.
Also Read:
