belagavi news :
ಜೋರ್ಡಾನ್ ವಿರುದ್ಧ ಭರ್ಜರಿ ಕಮ್ ಬ್ಯಾಕ್ : ಅಲ್ಜೀರಿಯಾ ನಾಕೌಟ್ ಕನಸು ಜೀವಂತ !
ಜೋರ್ಡಾನ್ ವಿರುದ್ಧ ನಡೆದ ರೋಚಕ ಪಂದ್ಯದಲ್ಲಿ ಅಲ್ಜೀರಿಯಾ 2-1 ಅಂತರದ ಗೆಲುವು ಟೂರ್ನಿಯ ನಾಕೌಟ್ ಹಂತದ ಆಸೆಯನ್ನು ಉಳಿಸಿಕೊಂಡಿದೆ. ಫ್ಯಾನ್ ಸ್ಯಾನ್ ಫ್ರಾನ್ಸಿಸ್ಕೋ ಬೇ ಏರಿಯಾ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಆರಂಭದಲ್ಲಿ ಹಿನ್ನಡೆ ಅನುಭವಿಸಿದ ಅಲ್ಜೀರಿಯಾ, ನಂತರ ಅದ್ಭುತ ಪುನರಾಗಮನ ಮಾಡಿ ಗೆಲುವಿನ ನಗೆ ಬೀರಿತು.
ಈ ಸೋಲಿನೊಂದಿಗೆ ಜೋರ್ಡಾನ್ ತಂಡ ಟೂರ್ನಿಯಿಂದ ಹೊರಬಿದ್ದಿದ್ದು, ಅಲ್ಜೀರಿಯಾ ಮುಂದಿನ ಸುತ್ತಿನ ಕನಸನ್ನು ಜೀವಂತವಾಗಿರಿಸಿಕೊಂಡಿದೆ. ಗ್ರೂಪ್ ಜೆ ನಲ್ಲಿ Argentine nation Argentina national football team ಸತತ ಎರಡು ಗೆಲುವಿನೊಂದಿಗೆ ನಾಕ್ಔಟ್ ಹಂತಕ್ಕೆ ಅರ್ಹತೆ ಪಡೆದುಕೊಂಡಿದೆ.
ಇದೀಗ ಅಲ್ಜೀರಿಯಾದ ಮುಂದಿನ ಹಾದಿ ಅಂತಿಮ ಗುಂಪು ಪಂದ್ಯದ ಫಲಿತಾಂಶದ ಮೇಲೆ ಅವಲಂಬಿತವಾಗಿದೆ. ನಿರ್ಣಾಯಕ ಪಂದ್ಯದಲ್ಲಿ ಉತ್ತಮ ಪ್ರದರ್ಶನ ನೀಡಿದರೆ, ಅಲ್ಜೀರಿಯಾ ನಾಕ್ಔಟ್ ಸುತ್ತಿಗೆ ಪ್ರವೇಶಿಸುವ ಅವಕಾಶ ಹೊಂದಿದೆ.
ಪಂದ್ಯದ ಹೈಲೈಟ್ಸ್ : ಅಲ್ಜೀರಿಯಾ -ಜೋರ್ಡಾನ್ ಕಾದಾಟದಲ್ಲಿ ರೋಚಕ ತಿರುವು!
ನಾಕ್ ಔಟ್ ಹಂತದ ಆಸೆಯನ್ನು ಉಳಿಸಿಕೊಳ್ಳಲು ಎರಡು ತಂಡಗಳಿಗೆ ಈ ಪಂದ್ಯ ಅತ್ಯಂತ ಮಹತ್ವದ್ದಾಗಿತ್ತು. ಆರಂಭಿಕ ಪಂದ್ಯದಲ್ಲಿ ಸೋಲು ಅನುಭವಿಸಿದ್ದ ಕಾರಣ, ಗೆಲುವು ಮಾತ್ರವೇ ಮುಂದಿನ ಹಾದಿಯನ್ನು ತೆರೆದಿಡುವ ಅವಕಾಶವಾಗಿತ್ತು.
ಪಂದ್ಯದ ಆರಂಭದಲ್ಲಿಉಭಯ ತಂಡಗಳು ಹೆಚ್ಚು ಸ್ಪಷ್ಟ ಅವಕಾಶಗಳನ್ನು ಸೂಚಿಸಲು ಸಾಧ್ಯವಾಗಲಿಲ್ಲ. ಆದರೆ ಅಲ್ಜೀರಿಯಾ ನಿಧಾನವಾಗಿ ತನ್ನ ಹಿಡಿತವನ್ನು ಬಲಪಡಿಸಿ ಆಕ್ರಮಣಕಾರಿ ಆಟ ಪ್ರದರ್ಶಿಸಿತು. ಆದರೂ ಜೋರ್ಡಾನ್ ನ ದಾಳಿಯನ್ನು ಯಶಸ್ವಿಯಾಗಿ ತಡೆಯುವಲ್ಲಿ ಯಶಸ್ವಿಯಾಯಿತು.
ಜಮಾಲ್ ಸೆಲ್ಲಾಮಿ ನೇತೃತ್ವದ ಜೋರ್ಡಾನ್ ತಂಡ 36ನೇ ನಿಮಿಷದಲ್ಲಿ ಮೊದಲ ಗೋಲು ದಾಖಲಿಸಿ ಪಂದ್ಯಕ್ಕೆ ರೋಚಕ ತಿರುವ ನೀಡಿತು. Mousa Al-Taamari ನೀಡಿದ ಪಾಸ್ ಅನ್ನು Nizar Al-Rashdan ಗೋಲಾಗಿ ಪರಿವರ್ತಿಸಿದರು.
ಈ ಗೋಲಿನೊಂದಿಗೆ ಜೋರ್ಡಾನ್ 2026ರ ವಿಶ್ವಕಪ್ ನಲ್ಲಿ ಗೋಲು ದಾಖಲಿಸಿದ 44ನೇ ರಾಷ್ಟ್ರ ಎಂಬ ಹೆಗ್ಗಳಿಕೆಗೆ ಪಾತ್ರವಾಯಿತು. ಆದರೆ ನಂತರ ಅಲ್ಜೀರಿಯಾ ತನ್ನ ಆಟದ ವೇಗ ಹೆಚ್ಚಿಸಿ ಪಂದ್ಯದಲ್ಲಿ ಪುನರಾಗಮನ ಮಾಡುವ ಮೂಲಕ ಗೆಲುವಿನತ್ತ ಹೆಜ್ಜೆ ಹಾಕಿತು.
ಅಲ್ಜೀರಿಯಾ ಅದ್ಭುತ ಪುನರಾಗಮನ; ಜೋರ್ಡಾನ್ ವಿರುದ್ಧ ರೋಚಕ ಗೆಲುವು!
ದ್ವಿತೀಯಾರ್ಧದಲ್ಲಿ ಭರ್ಜರಿ ಪ್ರದರ್ಶನ ನೀಡಿದ ಅಲ್ಜೀರಿಯಾ ತಂಡ ಜೋರ್ಡಾನ್ ವಿರುದ್ಧ ಪಂದ್ಯವನ್ನು ತಿರುಗಿಸಿತು. ಆರಂಭದಲ್ಲಿ ಹಿನ್ನಡೆ ಅನುಭವಿಸಿದ್ದರು,ನಿರಂತರ ದಾಳಿಗಳ ಮೂಲಕ ಎದುರಾಳಿಯ ರಕ್ಷಣೆಯನ್ನು ಒತ್ತಡಕ್ಕೆ ಸಿಲುಕಿಸಿದ ಅಲ್ಜೀರಿಯ ಅಂತಿಮವಾಗಿ ಸಮಬಲ ಸಾಧಿಸುವಲ್ಲಿ ಯಶಸ್ವಿಯಾಯಿತು.
ಪಂದ್ಯದ 69ನೇ ನಿಮಿಷದಲ್ಲಿ ನಾದಿರ್ ಬೇನ್ ಬೌಲಿ ಅದ್ಭುತ ಹೆಡರ್ ಮೂಲಕ ಗೋಲು ದಾಖಲಿಸಿ ಅಲ್ಜೀರಿಯಾ 1-1ರ ಸಮಬಲ ತಂದು ಕೊಟ್ಟರು. ಕಾರ್ನರ್ ಕಿಕ್ ಅವಕಾಶವನ್ನು ಸಮರ್ಥವಾಗಿ ಬಳಸಿಕೊಂಡ ಅವರು ತಂಡದ ಪುನರಾಗಮನಕ್ಕೆ ಚಾಲನೆ ನೀಡಿದರು.
ಇದಾದ ಬಳಿಕ ಗೆಲುವಿಗಾಗಿ ಹೋರಾಟ ಮುಂದುವರೆಸಿದ ಅಲ್ಜೀರಿಯಾ, ಪಂದ್ಯ ಮುಗಿಯಲು ಕೇವಲ ಎಂಟು ನಿಮಿಷಗಳು ಬಾಕಿ ಇರುವಾಗ ನಿರ್ಣಾಯಕ ಗೋಲು ದಾಖಲಿಸಿತು. 82ನೇ ನಿಮಿಷದಲ್ಲಿ ಮತ್ತೊಂದು ಕಾರ್ನರ್ ಕಿಕ್ ಅವಕಾಶವನ್ನು ಬಳಸಿಕೊಂಡ ಅಮೈನ ಗೌರಿ ಚಂಡನ್ನು ಗೋಲು ಪೆಟ್ಟಿಗೆಗೆ ಸೇರಿಸಿ ಅಲ್ಜೀರಿಯಾ ಗೆ 2-1ರ ಮುನ್ನಡೆ ತಂದು ಕೊಟ್ಟರು.
ಎರಡು ಗೋಲುಗಳ ನೆರವಿನಿಂದ ಅಲ್ಜೀರಿಯಾ ಮಹತ್ವದ ಗೆಲುವು ದಾಖಲಿಸಿ ನಾಕ್ಔಟ್ ಹಂತದ ಕನಸನ್ನು ಜೀವಂತವಾಗಿರಿಸಿಕೊಂಡಿದೆ. ಆದರೆ ಜೋರ್ಡಾನ್ ವಿರುದ್ಧ ಗೋಲು ಬಿಟ್ಟುಕೊಟ್ಟ ಕಾರಣ, ವಿಶ್ವ ಕಪ್ ನಲ್ಲಿ ತನ್ನ ರಕ್ಷಣಾ ಸಾಮರ್ಥ್ಯವನ್ನು ಮತ್ತಷ್ಟು ಸುಧಾರಿಸಿಕೊಳ್ಳುವ ಅಗತ್ಯ ಅಲ್ಜೀರಿಯಾ ತಂಡದ ಮುಂದಿದೆ
Also Read:
