belagavi news :

ಮೌಂಟ್ ಎವರೆಸ್ಟ್ 'ಗ್ರೀನ್ ಬೂಟ್ಸ್' ದೇಹ : ಭಾರತೀಯ ಯೋಧನೆಂದು ದೃಢ, ಭಾರತದಿಂದ ಮರು ಪಡೆಯುವಿಕೆ ಕಾರ್ಯಾಚರಣೆ ಆರಂಭ.

ವಿಶ್ವದ ಅತಿ ಎತ್ತರದ ಶಿಖರ ಮೌಂಟ್ ಎವರೆಸ್ಟ್ ನಲ್ಲಿ ಸುಮಾರು 30 ವರ್ಷಗಳ ಹಿಂದೆ ಸಂಭವಿಸಿದ ಭೀಕರ ಪ್ರಾಕೃತಿಕ ದುರಂತದಲ್ಲಿ ಸಾವನ್ನಪ್ಪಿದ್ದ ಪರ್ವತಾರೋಹಿಯ ಹೆಪ್ಪುಗಟ್ಟಿದ ಮೃತ ದೇಹ ಭಾರತೀಯ ಸೈನಿಕನದು ಎಂದು ಡಿಎನ್ಎ ಪರೀಕ್ಷೆಯಲ್ಲಿ ದೃಢಪಟ್ಟಿದೆ.

ಈ ಹಿನ್ನೆಲೆಯಲ್ಲಿ ಭಾರತ-ಟಿಬೆಟ್ ಗಡಿ ಪೊಲೀಸ್ ಬರುತ್ತದೆ. ಕಾರ್ಯಾಚರಣೆಗಾಗಿ ಬಿಡಗಳನ್ನು ಆಹ್ವಾನಿಸಿ ಟೆಂಡರ್ ಪ್ರಕ್ರಿಯೆ ಆರಂಭಿಸಿದೆ. ಅತ್ಯಂತ ಅಪಾಯಕಾರಿ ಮತ್ತು ಕಠಿಣ ಹವಾಮಾನ ಪರಿಸ್ಥಿತಿಗಳಲ್ಲಿ ನಡೆಯಲಿರುವ ಈ ಕಾರ್ಯಾಚರಣೆ, ಎವರೆಸ್ಟ್ ನ ಇತಿಹಾಸದಲ್ಲಿ ಮತ್ತೊಮ್ಮೆ ಗಮನಿಸಿದೆ.

ಮೃತ ಯೋಧನನು ಗೌರವಪೂರ್ವಕವಾಗಿ ಸ್ವದೇಶಕ್ಕೆ ತರಲು ಭಾರತ ಸರ್ಕಾರ ಹಾಗೂ ಸಂಬಂಧಿತ ಸಂಸ್ಥೆಗಳು ಮುಂದಾಗಿದ್ದು, ಈ ಕ್ರಮವೂ ಹಲವು ವರ್ಷಗಳ ನಂತರದ ಮಹತ್ವದ ಬೆಳವಣಿಗೆಯಾಗಿದೆ.

ಪರ್ವತಾರೋಹಿಯು ಧರಿಸಿದ್ದ ವಿಶಿಷ್ಟ ನಿಂಬೆ ಹಳದಿ ಬಣ್ಣದ ಬೂಟುಗಳ ಆಧಾರದಲ್ಲಿ ಗುರುತಿಸಲ್ಪಟ್ಟಿದ್ದ ಎವರೆಸ್ಟ್ ನ 'ಗ್ರೀನ್ ಬೂಟ್ಸ್' ದೇಹವನ್ನು ಇದೀಗ ಭಾರತೀಯ ಭದ್ರತಾ ಪಡೆ ಇಂಡೋ-ಟಿಬೆಟಿಯನ್ ಬಾರ್ಡರ್ ಪೊಲೀಸ್ ಯೋಧ ತ್ಸೆವಾಂಗ ಪಲ್ಜೋರ್ ಎಂದು ಡಿಎನ್ಎ ಪರೀಕ್ಷೆಯಲ್ಲಿ ದೃಢಪಡಿಸಲಾಗಿದೆ.

1996ರ ಮೇ ತಿಂಗಳಲ್ಲಿ ವಿಶ್ವದ ಅತಿ ಎತ್ತರದ ಶಿಖರ ಮೌಂಟ್ ಎವರೆಸ್ಟ್ ನಲ್ಲಿ ಸಂಭವಿಸಿದ ಭೀಕರ ಹಿಮಪಾತದ ವೇಳೆ ಎಂಟು ಪರ್ವತಾರೋಹಿಗಳು ಪ್ರಾಣ ಕಳೆದುಕೊಂಡರು. ಆ ದುರಂತದಲ್ಲಿ ಕೆಲವು ದೇಹಗಳು ಸುಮಾರು 8500 ಮೀಟರ್ ಎತ್ತರದ ಪ್ರದೇಶದಲ್ಲಿ ಹಿಮ ಘಟ್ಟದ ಸ್ಥಿತಿಯಲ್ಲಿ ಉಳಿದು, ವರ್ಷಗಳ ಕಾಲ ಪರ್ವತಾರೋಹಣ ಮಾರ್ಗದ ಭಾಗವಾಗಿಯೇ ಕಂಡುಬಂದಿದ್ದವು.

ಈ ಪೈಕಿ 'ಗ್ರೀನ್ ಬೂಟ್ಸ್' ಎಂದು ಪ್ರಸಿದ್ಧಿಯಾದ ದೇಹವನ್ನು ಹಿಂದೆಗೆ ತ್ಸೆವಾಂಗ ಪಲ್ಜೋರ್ ಎಂದು ಅನೌಪಚಾರಿಕವಾಗಿ ಗುರುತಿಸಲಾಗಿದ್ದು, ಅಧಿಕೃತ ದೃಡೀಕರಣ ಇರಲಿಲ್ಲ. ಇದೀಗ ಡಿಎನ್ಎ ಪರೀಕ್ಷೆಯ ಮೂಲಕ ಆ ಗುರುತು ಖಚಿತಗೊಂಡಿರುವುದು ಸ್ಪಷ್ಟವಾಗಿದೆ.

ಈ ಬೆಳವಣಿಗೆ ಎವರೆಸ್ಟ್ ದುರಂತದ ಇತಿಹಾಸಕ್ಕೆ ಹೊಸ ತಿರುಗು ನೀಡಿದ್ದು,ದಶಕಗಳ ನಂತರವು ಆ ಘಟನೆಗಳ ನೆನಪು ಮತ್ತೆ ಚರ್ಚೆಗೆ ಬಂದಿದೆ.

ಮೌಂಟ್ ಎವರೆಸ್ಟ್ ನಲ್ಲಿ 'ಗ್ರೀನ್ ಬೂಟ್ಸ್' ಎಂದು ಪ್ರಸಿದ್ಧಿಯಾಗಿದ್ದ ಮೃತ ದೇಹವು ತ್ಸೆವಾಂಗ ಪಲ್ಜೋರ್ ಅವರದೇ ಎಂದು ಅವರು ಸಹಚರ ಡೋರ್ಜೆ ಮೊರುಪ್ ಅವರು ಮೃತ ದೇಹದ ಗುರುತನ್ನು ಸ್ಪಷ್ಟಪಡಿಸಿದ್ದರು. ಜೊತೆಗೆ ಭಾರತದ ಸರ್ಕಾರಿ ವೆಬ್ಸೈಟ್ನಲ್ಲಿ ಪ್ರಕಟವಾದ ದಾಖಲೆಗಳನ್ನು ಈ ಗುರುತು ಸಂಬಂಧಿತ ವಿವರಗಳು ಉಲ್ಲೇಖವಾಗಿವೆ. ಈ ಹಿನ್ನೆಲೆಯಲ್ಲಿ ಡಿಎನ್ಎ ಮಾದರಿಗಳ ಸಂಗ್ರಹ ಮತ್ತು ಇತರೆ ಸಾಕ್ಷ್ಯಗಳ ಗುರುತಿನ ಪ್ರಕ್ರಿಯೆ ಮುಂದುವರಿಸಲಾಗಿದೆ.

ಮೌಂಟ್ ಎವರೆಸ್ಟ್ ನಂತಹ ಅತಿ ಹೆಚ್ಚು ಎತ್ತರದ ಶಿಖರಗಳಿಂದ ಮೃತ ದೇಹಗಳು ಮರಳಿ ತರುವುದು ಅತ್ಯಂತ ಸಂಕೀರ್ಣ ಹಾಗೂ ಅಪಾಯಕಾರಿ ಎಂದು ಪರಿಗಣಿಸಲಾಗಿದೆ. 1920ರ ದಶಕದಿಂದ ಶಿಖರಾರೋಹಣ ಆರಂಭವಾದ ಬಳಿಕ ಇದುವರೆಗೆ 300ಕ್ಕೂ ಹೆಚ್ಚು ಪರ್ವತಾರೋಹಿಗಳು ಇಲ್ಲಿ ಸಾವನ್ನಪ್ಪಿದ್ದಾರೆ ಎಂದು ಅಂದಾಜಿಸಲಾಗಿದ್ದು, ಅವರಲ್ಲಿ ಅನೇಕ ದೇಹಗಳು ಇನ್ನೂ ಶಿಖರದಲ್ಲೇ ಉಳಿದಿವೆ.

ಅತ್ಯಂತ ತೀವ್ರ ಹಿಮಪಾತ, ಆಮ್ಲಜನಕ ಕೊರತೆ ಮತ್ತು ಅಪಾಯಕಾರಿ ಬಿರುಕುಗಳ ಕಾರಣದಿಂದ ಹಲವು ಮೃತದೇಹಗಳು ಹಿಮದಿಂದ ಮರೆಮಾಚಲ್ಪಟಿದ್ದು, ಇನ್ನು ಕೆಲವು ಆಳವಾದ ಕಂದಕಗಳಲ್ಲಿ ಸಿಲುಕಿಕೊಂಡಿವೆ. ಈ ಪರಿಸ್ಥಿತಿಯೇ ಎವರೆಸ್ಟ್ ನ ರಕ್ಷಣಾ ಮತ್ತು ಮರು ಪಡೆಯುವಿಕೆ ಕಾರ್ಯಾಚರಣೆಗಳನ್ನು ಅತ್ಯಂತ ಸವಾಲಿನದಾಗಿಸಿದೆ.

Also Read:

ಜನರ ಸಮಸ್ಯೆಗಳಿಗೆ ತ್ವರಿತ ಸ್ಪಂದನೆ : 'ಕೃಷ್ಣಾ' ಗೃಹ ಕಚೇರಿ ಕಾರ್ಯಾರಂಭ