BELAGAVI NEWS : ವಿಮಾನ ಪ್ರಯಾಣದ ವೇಳೆ ಪವರ್‌ಬ್ಯಾಂಕ್ ಬಳಕೆ ಹೊಸ ನಿಯಮದೊಂದಿಗೆ ನಿಷೇಧ ಮಾಡಲಾಗಿದೆ. ನಾಗರಿಕ ವಿಮಾನಯಾನ ಸಂಸ್ಥೆಗಳು ಈ ನಿಯಮವನ್ನು ಭದ್ರತೆಗಾಗಿ ಜಾರಿಗೊಳಿಸಿದ್ದಾರೆ. ಇನ್ಮುಂದೆ ಪ್ಯಾಸ್‌ಪೋರ್ಟ್ ಮತ್ತು ಟಿಕೆಟ್‌ ಜೊತೆಗೆ ಪವರ್‌ಬ್ಯಾಂಕ್ ಬಳಕೆ ಸಹ ವಿಮಾನದಲ್ಲಿಯೇ ನಿಷೇಧಿತವಾಗಿದೆ. ವಿಮಾನ ಪ್ರಯಾಣದ ಸಂದರ್ಭದಲ್ಲಿ ಫೋನ್‌ಗಳು ಅಥವಾ ಇತರ ಎಲೆಕ್ಟ್ರಾನಿಕ್ ಸಾಧನಗಳನ್ನು ಚಾರ್ಜ್ ಮಾಡಲು ಪವರ್ ಬ್ಯಾಂಕ್‌ ಬಳಸುವುದನ್ನು DGCA ನಿಷೇಧಿಸಿದೆ. ಅಕ್ಟೋಬರ್‌ನಲ್ಲಿ ದೆಹಲಿ ವಿಮಾನ ನಿಲ್ದಾಣದಲ್ಲಿ ಇಂಡಿಗೋ ವಿಮಾನದಲ್ಲಿ ಪ್ರಯಾಣಿಕರೊಬ್ಬರ ಪವರ್ ಬ್ಯಾಂಕ್‌ಗೆ ಬೆಂಕಿ ತಗುಲಿತ್ತು. ಈ ಘಟನೆಯಲ್ಲಿ ಯಾರಿಗೂ ಗಾಯವಾಗದಿದ್ದರೂ ಡಿಜಿಸಿಎ ಗಂಭೀರವಾಗಿ ಪರಿಗಣಿಸಿದೆ.
ವಿಮಾನ ಹಾರಾಟದ ಸಮಯದಲ್ಲಿ ಸೀಟಿನಲ್ಲಿರುವ ಪವರ್ ಸಾಕೆಟ್‌ಗೆ ಪವರ್ ಬ್ಯಾಂಕ್ ಸಂಪರ್ಕಿಸಲು ಸಾಧ್ಯವಿಲ್ಲ. ಪವರ್ ಬ್ಯಾಂಕ್‌ಗಳನ್ನು ಹ್ಯಾಂಡ್ ಲಗೇಜ್‌ನಲ್ಲಿ ಮಾತ್ರ ಸಾಗಿಸಬಹುದು. ಓವರ್‌ಹೆಡ್ ಬಿನ್ ಅಥವಾ ಚೆಕ್-ಇನ್ ಬ್ಯಾಗೇಜ್‌ನಲ್ಲಿ ಇಡುವುದನ್ನು ನಿಷೇಧಿಸಲಾಗಿದೆ. 100 ವ್ಯಾಟ್​ ಕ್ಯಾಪಾಸಿಟಿಗಳಿಗಿಂತ ಕಡಿಮೆ ಸಾಮರ್ಥ್ಯವಿರುವ ಪವರ್ ಬ್ಯಾಂಕ್‌ಗಳನ್ನು ಮಾತ್ರ ಸಾಗಿಸಬಹುದು. ಇದರರ್ಥ 27,000mAhಗಿಂತ ದೊಡ್ಡ ಪವರ್ ಬ್ಯಾಂಕ್‌ಗಳನ್ನು ಸಾಗಿಸಲು ಸಾಧ್ಯವಿಲ್ಲ. ಯಾವುದೇ ಎಲೆಕ್ಟ್ರಾನಿಕ್ ಸಾಧನವು ಶಾಖ, ಹೊಗೆ ಅಥವಾ ವಿಚಿತ್ರ ವಾಸನೆಯನ್ನು ಹೊರಸೂಸಿದರೆ ಕ್ಯಾಬಿನ್ ಸಿಬ್ಬಂದಿಗೆ ತಿಳಿಸಬೇಕು. ಮುನ್ನೆಚ್ಚರಿಕೆಗಳು: ವಿಮಾನದಲ್ಲಿ ಶಿಫಾರಸು ಮಾಡಲಾದ ಸಾಮರ್ಥ್ಯಕ್ಕಿಂತ ಹೆಚ್ಚಿನ ಪವರ್ ಬ್ಯಾಂಕ್ ಕೊಂಡೊಯ್ಯುವುದನ್ನು ತಪ್ಪಿಸಬೇಕು. ಪವರ್ ಬ್ಯಾಂಕ್ ಸ್ವಲ್ಪ ಊದಿಕೊಂಡಿದ್ದರೆ ಅದನ್ನು ಬಳಸಬೇಡಿ. ವಿಮಾನದಲ್ಲಿ ಕೊಂಡೊಯ್ಯುವುದನ್ನು ತಪ್ಪಿಸಬೇಕು.
ಪವರ್ ಬ್ಯಾಂಕ್ ಓವರ್ ಹೀಟ್ ಪ್ರೊಟೆಕ್ಷನ್ ಮತ್ತು ಆಟೋ ಕಟ್-ಆಫ್‌ನಂತಹ ಸುರಕ್ಷತಾ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ ಎಂದು ಖಚಿತಪಡಿಸಿಕೊಳ್ಳಿ.
ಬಳಕೆಯ ಸಮಯದಲ್ಲಿ ಪವರ್ ಬ್ಯಾಂಕ್ ಅತಿಯಾಗಿ ಬಿಸಿಯಾದರೆ, ಅದನ್ನು ಬಳಸಬೇಡಿ ಮತ್ತು ಅದನ್ನು ನಿಮ್ಮೊಂದಿಗೆ ಕೊಂಡೊಯ್ಯಬೇಡಿ ಎಂದು ತಿಳಿಸಿದೆ.
ಪ್ರಯಾಣದ ಸಮಯದಲ್ಲಿ ಪವರ್ ಬ್ಯಾಂಕ್ ಅನ್ನು ಸಂಪೂರ್ಣವಾಗಿ ಚಾರ್ಜ್ ಮಾಡದಂತೆ ಎಚ್ಚರಿಕೆ ವಹಿಸಿ.
ಕಡಿಮೆ ಅಥವಾ ಅಗ್ಗದ ಪವರ್ ಬ್ಯಾಂಕ್‌ಗಳನ್ನು ಖರೀದಿಸುವುದನ್ನು ತಪ್ಪಿಸಿ. ಯಾವಾಗಲೂ ಬ್ರಾಂಡೆಡ್ ಮತ್ತು ಉತ್ತಮ ಗುಣಮಟ್ಟದ ಪವರ್ ಬ್ಯಾಂಕ್‌ಗಳನ್ನು ಬಳಸುವುದು ಸೂಕ್ತ.ಈ ನಿಯಮವು ವಿಮಾನದಲ್ಲಿ ಸ್ಫೋಟಕ ಘಟನೆಗಳು, ಶಾರ್ಟ್ ಸರ್ಕ್ಯೂಟ್ ಅಪಾಯ, ಮತ್ತು ಪ್ರಯಾಣಿಕರ ಸುರಕ್ಷತೆಗಾಗಿ ಜಾರಿಗೊಳಿಸಲಾಗಿದೆ. ಹೀಗಾಗಿ, ಪವರ್‌ಬ್ಯಾಂಕ್ ಬಳಕೆ ನಿಷೇಧವನ್ನು ಗಮನದಲ್ಲಿಟ್ಟುಕೊಂಡು, ನಿಮ್ಮ ವಿಮಾನ ಪ್ರಯಾಣವನ್ನು ಸುರಕ್ಷಿತ ಮತ್ತು ಸೌಕರ್ಯಕರವಾಗಿಡಿ.
ಇನ್ನಷ್ಟು ಓದಿರಿ : ವೆನೆಜುವೆಲಾ ರಾಜಕೀಯ ಕ್ರೈಸಿಸ್: ಟ್ರಂಪ್ ಬೆದರಿಕೆ ಮಾತು